唔覺得經濟蕭條

又話經濟唔好, 但係睇番旅行社同酒席,一d都唔覺

先講酒席, 2010年好似閒閒地都要成萬銀一圍, 上年既同一地方, 價錢都係7千多, 兩年後, 居然加左咁多%  esdlife入面好多人問, 出年經濟差, d package會平d, 但暫時我都可以答, 絕對無可能 酒店生意基本上都唔憂做, 反正婚要照結, d人唔會加價而唔結....所以佢地一致既答案係會+ 8-12%

旅行社又係, 上星期chk去浮羅交怡既團, 初4出發, full哂, 無機會

我fd想去北海道, 全full

我fd話萬7蚊去5日馬爾代fu 既團, 又full

呢d只係例子之一

跟住我地family唸住初4-5去macau, 今早我上網chk d package, 有d又爆, 又d要迫你睇埋果個show, 差不多成3千一個人

3千一個人, 住一晚, 去macau, 係十級唔抵lor 又無野玩, d野食又唔係真係好好食, 要食野, 香港大把野食啦

睇住呢d, 你話你會唔會感受到香港經濟舊條丫

 

新城悶爆頒獎禮

早幾個星期join 了easyjoint

好好彩地, 我同岑生報名參加出席新城頒獎禮, 有得一齊去...但...

佢約我地6:30去到, 我地6:15已經去到, 但周圍搵, 搵唔到, 跟住我地拿拿林食野先, 跟住食完6:30, 我地唸住果班人會舉起類似有'eason' 既牌架麻, 唔係鬼識認你地咩, 點知無羅, 咁果度有好多一堆堆人, 又羅住飛, 我同岑生分別行事, 面mon mon咁問人地係咪eason  fan club lor, 頂ar 我係女仔, 咁樣問人都覺得面mon, 更何況.....

唉...終於比岑生問到喇, 果陣係6:45, 佢見有人排緊隊, 所以去問. 好明顯派飛d人自己都遲到啦, 我唔知係佢地心中, 遲兩三個字係d咩問題, 但對於我地呢d新人, 真係嚇親爆lor, 大佬, 山長水遠入到黎, 無得睇, 唔係fa 你叫人唔好遲到, 點知自己又遲, 好憎呢d

最終好在入到去啦...但係個頒獎禮...真係有機會都唔好去

成個豬肉頒獎禮, 總之有唱過歌既, 就有獎lor, 不過parco 班仔仔女女玩杯葛, 咪無prize lor

我愈睇愈無隱lor, 同埋而家好多歌手, 都係低胸短裙完全無哂個人風格

所以我睇到差不多10點已經走...雖然son son仲未羅哂prize, 但已經無心機再睇

睇場@朗壕酒店(mk)

今日係無預約既情況下, 同岑生去左朗壕酒店

我地開頭1點鐘去到, 比captain趕我地走因有人擺緊wedding wor, 佢叫我地3點半再黎過...

呢間酒店有幾個場

1) 呢個係42/f

hm, 個design係L型, 不過彎入去果個部份好細, 可以唔擺酒都得, 咁即係係長方形, hm, 都總算可以接受, 因感覺又唔係話好迫好長

bf話個新娘房係超大, 同埋有獨立mahjong room, 可以包全層, min charge 15-18萬, within budget

2) 8/F

同樣, 都係長方形, 無柱, 我唔記得可以擺幾多圍添我唸18圍都得瓜

新娘房又係超大, 同樣, 可以包全場

我覺得呢間hotel可取之處就係每一層只會有一個banquet, 非常好

3) 7th ball room

呢個係最好既一個, haha, 因為個corridor超大, 勁大, 好鬼靚, 地方又闊落, 好得體

 

個場都係四四方方咁, 唔錯, 我都非常鐘意呢

但上網聽人話話min charge係27萬對於我地呢d擺10幾圍既人, 非常吃力

***補充, 呢間hotel d service真係麻麻, 我email問佢地羅menu, 佢地淨係send最貴既menu比人, 咁係咩意思先仲有, 42/f果樹, min charge由17萬加到20萬係咪覺得自己間中菜龐入左米之連就好巴閉

 

睇場@Holiday Inn

雖然我唔係d咩公眾人物, 但結婚一生人一次, 點都想攪得好好睇睇, 自己開心同有個難忘回憶之餘, 亦希望令d 賓客滿意, 所以連日來我都不停做資料搜集

琴日同岑生第一次去睇場, 第一站係holiday inn

開頭都唔會唸住consider holiday inn, 因呢間個酒店大堂好舊但後來睇blog, 見到d相, 又好似ok wor, 跟住就去左睇場了

一入到去, 我超鐘意, 勁鐘意個場個場係好似正方形咁, 係我心目中所想要架, 因為長方形既場, 放得後既guests, 我怕佢地好悶..所以好似正方形咁o岩哂我心水

同埋, 係無柱, 跟住我勁鐘意佢地d lighting effect, 可以轉色添架

你地睇下, 係咪好靚呢

不過....唔開心既係....我地只會擺20圍內, 包唔到場 (P.S. 包場最平可以由28萬減到25萬, 但我地都係擺18圍到, 平均都要萬四蚊一圍, 不如要我番大陸擺酒算啦), 要間場, 咁我地會包左2/3個場, 但個入口, 要經過呢條corridor 我好唔鐘意呢個corridor, 覺得好似好陰濕, 好唔大體. 雖然岑生同家姐都話可以佈置呢條corridor, 係可以整得靚d..but我始終都....唔係幾開心

其實擺hotel, 係想要grand既感覺, 如果做唔到呢個效果, 不如平d擺酒樓算, 但佢地個場, 又真係好grand好靚....

但今日聽人講話有d老人家唔鐘意擺酒地方係basement, 有d人又話其實basement仲有一個好細既地方可以擺到7圍, 下, 唔係化, 即係同一日, 可能有三個reception? 又係我勁唔鐘意既地方

點解咁既時勢, 仲要加價

雖然呢兩星期都無工番, 但唔覺自己特別得閒 因為去四川都去左一星期, 呢星期主要都係上網睇場地

其實心目中都未話特別想去邊度擺, 不過就想係酒店, 因為我唸環境會好d, 同埋希望d service會好d, 令到d賓客食得舒服d., 同埋個場又grand d, 咁當然..錢就....

要做資料搜集係一樣好煩既事, 淨係上網睇forum, 睇人d comment, 都睇到眼花花做左第一輪篩選, 都挑左幾間hotel出來, 再compare 下d價錢

不過有d唔係幾高興既地方, 間間hotel都話2010年加8-12%真係唔憂做lor一定係, 唸住d人一定要結婚, 所以照加價唉...咁都無計啦, 都係被迫

好在朋友n都幫左我唔小忙令我篩選範圍縮窄..不過, 第一輪已經比我篩走既就係miramar, 最平果個酒席連酒水加一都要萬二蚊lor...咁半島都係萬五蚊一圍 (but整個場只可以擺12圍), miramar呢個價錢真係唔係幾合理lor

有三間酒店暫時是我喜歡的但未去睇場, 未問有無期, 因仲未擇日

1) Royal Garden (網上comment唔錯, 價錢合理)

2) Grand Stanford (聽朋友n話個場都幾得, 但價錢略貴)

3) Excelsior (不過如果係對面海擺酒, 會唔會唔方便自己呢)

平安夜, 開心夜

琴日係平安夜, 岑生都特登請左假陪我好在最終佢唔駛飛, 真係感謝上天

早上同同事msn, 氣氛同上年好唔同, 記得上年大家都好開心, hehehaha咁, 但琴日從談話的內容中, 大家都無乜心情, 呢點我都明既, 希望佢地都可以快d開心番啦

琴日下午同岑生去左睇荒失失奇兵, 哈, 最鐘意睇d唔駛用腦唸既movie, 套戲d公仔超得意ga 好o岩小朋友睇

跟住我地去左sasa, 因我用哂eye essence, 但爭d比sasa條粉腸老點lor 我想問la prairie 隻魚子精華eye essence, 咁我羅左一盒疑似既, 問個sales係唔係, 條粉腸即刻話係...好在呢條粉腸再問佢隔離個同事係唔係, 點知原來係錯好在比番盒o岩既我, 唔係真係要提早同人開年

跟住行左一陣我地就去旅行社羅資料, 睇下2月頭有無咩地方好去...而家我地首選係浮羅交怡雖然我唔識swimming, 但都幾like陽光beach 同埋果樹睇相好似好relax咁...所以而家都考慮緊..原先我都想去日本, 但而家d yen太貴唔划算

跟住我地就去左灣仔食西餐d野都幾好食呀, 不過呢排大食左好多, 食完飯兩個幾鐘就去食左個mcdonald餐加杯大新地放縱埋呢個假期, 之後要收下口喇

原先我好期待琴晚去倒數, 但可能真係年紀開始大關係, 發覺自己挨唔到夜好tired, 行到11點到就番home 了

今年過了一個很開心的聖誕