愛心意米水

剛過去的星期六, 相約小高吃早餐, 因為大家都要去睇中醫

很興奮

...而家極小機會可以係早上品嚐翠華早餐, 今次食到喇

更興奮既係, 小高為我帶來了意米水之前我都係口upup講下叫佢bowl比我飲, 點知真係bowl左..仲去買左個壺比我, 可以放入微波爐架..

d意米水很好飲, 我連渣都食哂

想不到今次睇中醫, 足足等了兩小時..好跨張...poor..好在有小高陪伴, 唔係我一定唔會等

之後去左紅螞蟻醫肚...

最後希望主任唔好吃我醋啊

Beautiful flowers

2009年9月28日, mr sum 為我帶來了一紮很漂亮的花...是牛奶妹ar

第一眼已經覺得好靚 可惜mr sum話覺得佢地一般

番到屋企, 阿媽都話 '拿, 呢紮花先叫靚gama, 好新鮮"

實在很喜歡, 我係屋企成日望住佢

給我一個五星級的家

長達兩個多月既裝修, 因為租果樹唔比我地再租耐d..所以而家都迫住番番原屋住, 但都攪得7788 了 ^^

我地間屋住左30年都無執過, 今次來個大執..呢個就係工程進行中既相,成間屋拆哂

裝修後, 因為d野未執, 仲好混亂. 不過我地成家都好開心, 因為真係好似新樓一樣
因為我地係舊屋, 勁勁實用, 每一寸角落都用到....而家好多新屋實用面積只得7-8成

呢個係我最喜歡既沖涼位置

而家'新屋'真係舒適左好多

最大功勞就係阿媽, 出錢又出力 ^^ 所以11月要同佢去旅行relax 下

ML 婚照篇 Part 1

9月16, 我同岑生下午都放假, 去左ML揀相, 因為我地係coupon客, 如果要星期6/日揀相就要加300蚊

, 我地決定放假去揀相算

hm...今次都唔係幾滿意d相, 我同岑生都覺得影得太光, 光暗調教方面攝影師掌握得不太好, 雖然sales叫我地放心, 呢d野會執, 不過d相要執完先至靚既, 咁就真係大打折扣

未影之前, 好堅決話唔加錢, 不過影完之後, 又覺得影完無softcopy好似爭咁d野咁, 之前同岑生唸住set左budget先, 點知set完=無set,

因為岑生既答覆係 'depends on the quality'

原先張coupon係包12張hardcopy, 再包幾張大相咁，而家我地加左3千蚊, 可以要多令外24張既softcopy + 珍珠面相簿
我cut相cut得好痕, 岑生好多次想阻止我cut都失敗, 幸好我還有點理智

呢條係我好鐘意既裙, 一層層, 很有層次感

這是我最喜愛的景點, 可能因為多顏色......好戲在後頭

係咪好爆笑呢...無乜幾可可以見到岑生呢個表情, 真係幸運ar

frankie要佢跳左3次先肯收貨, 岑氐真係交足貨

整體來說, 不太滿意, 不過基於影左又想買相, 先至加左錢....其實d相..好多都影到我個虎背同埋粗手臂

(當然無post上來)..明明台灣果陣攝影師影瘦左我..呢輯就.....

會唔會係girdle唔o岩身, 所以先咁虎背呢.....

病倒了

因為尿頻問題, 昨天去了看中醫, 飲左真係好訓左

但係今日下午開始病, 發燒成日去大大兼頭暈又想嘔 辛苦到傻左~~~

又唔敢早d同老細講話病, 因為唔想比佢覺得我偷懶. 結果我都係早了5分鐘下班

岑生同我打的去睇醫生...

我叫醫生唔好開眼訓藥比我, 醫生說可以, 但佢話感冒最緊要係休息

明天還要上大陸行展覽, 開會, 同埋做月餅女郎去送月餅...這真要多得老闆比機會我善用係大陸既時間, 保佑我聽日要無事呀

不愉快@CWB COVA

話說上次去COVA問左其中一個STAFF, 可唔可以比我地PRE WEDDING果陣影下相, 唸住今日再上去問下佢D細節, 加上今日係MR SUM CHINESE BDAY, 咁順便食餐好既LUNCH啦..

一去到..唔見左果個女仔LU..我地無理 食住先. 不過我地一坐低, 有個CAPTAIN無啦啦彈係我地中間 我真係想問佢做乜


我地叫左兩個SET..其實佢D野食真係唔特別好食, 本來想食個CHOCOLATE MOUSE CAKE..點知無...

不過呢個LEMON CAKE都幾正既

不過今次去完, CWB COVA 服務質素真係下降左好多, 果度其中有個女STAFF, 我同岑生都見到佢眼睛上下打量其中一個CUSTOMER, 由上望到下, 好吋既樣

因為我地較為識得既STAFF唔係樹, 迫住埋單果陣問另一個CAPTAIN影相D野啦, 點知果個CAPTAIN態度又係好吋, 話唔影得餐廳啦...話影, 可以影, 包場, 任你點影之類 (要記住佢既態度帶點輕浮,

令人覺得佢講緊:  你比得起錢, 點影都得

)

跟住無啦啦叫左個鬼佬出來同我地傾, 鬼佬原先想派NAME CARD比我地, 點知知道我地唔係想包場之後, NAME CARD都收番 鬼佬真係死鬼佬..MEAN過人..

呢d咁既服務質素仲會包場影pre-wedding? 咪當我傻仔

番到HOME, 家姐知道左我既投訴, 我先知原來佢識個太子爺 (不過MARRIED), 佢話會幫我傾點數