boot到電腦

來不及跟大家分享琴晚去左邊樹慶祝. 因為有更值得高興既事.......就係.....

今晚部電腦著番喇

今日下晏琴生唔知攪左d咩, 部機著番, 但好快又死, 今晚番來, 我又試下, 點知開到機ar 多謝岑生救番佢

當然, 我第一樣野即刻做既, 就係羅起隻'手指'抄file, 第一樣野要抄, 就梗係d wedding files啦, 事關wedding d野我之前分好哂類架麻, 好有系統 (自己讚自己), 無哂d files會好唔捨得...而家終於抄得番喇,

跟住就係抄番之前d bookmark

yeah~~~~~~ 好開心部機著番

不過anyway, 聽日會去買新機, 因呢部野都係時候退休了

 

感動的生日@office

之前生日, 我通常都會請假,

但因為而家番工無耐, 唔好意思咁快請假...所以今日照常上班...

今早老闆十點多才回來...一開門, 佢為我唱生日歌果下已經好開心,

跟住佢仲去cova買左個cake...仲係樓下買左野飲, 仲問我, '你係咪鐘意飲HOT CHOCOLATE'

真係感動ar....佢咁有心思想

不過好攪笑既係, 佢問我係咪30歲, 仲預備左3枝candle lor跟住我同佢講，　我話係香港, 好多好仔都介意自己係3字頭, 跟住佢話sorry  仲話係finland果樹, d 女人好proud of自己年紀大左，　代表ｍａｔｕｒｅ　ｄ　

anyway, 真係超級開心同感謝佢為我預備既野好感動呢,

開心飯局

琴日約左舊同事食飯, 預祝我既牛一,

不過未食飯, 已經超激氣, 低能, 我唸住坐既士有位坐, 咁所以放棄坐MTR, 頂佢呀~~~~ 由KLN TONG去TST, 足足用左10個字咁制, 有無病AR鬼叫自己坐坐車咩, 頂呀,

我地去左加連威老道附近既'妹記大排檔', 原先唸住食小D煎炸野, 點知都忍唔住食左炸CHICKEN WING 不過都係一隻O者, 身體唔會覺既

之後我地去左SUGAR食糖水, 一向都唔係好LIKE呢間野, 30幾蚊一個DESSERT又唔見得好食WOR 都係去SUGAR好Ｄ

琴日收左兩份禮物，　非常開心多謝你地ＡＲ

心傷...

屋企電腦壞了...連機都開唔到,.....唉....平時番HOME我會開電腦, 而家無得上網

之前一個月到已經整左, 唸住無事...點知...不過真係要大維修了...

今早起床, 阿媽同我講屋企樓下附近有宗命案就係人斬人, 阿媽話聽附近餐廳D人講, 果個癲人禁住果個人黎斬, 係餐廳入面聽到救命聲....

一聽完真係好想喊, 好心傷AR...WHY D人會失哂理智, 都係一個女人O者, 離離合合幾咁平常, 何必要置人於死地?

我係到唸, 如果果時我目擊成個過程, 會係點呢? 我一定唔會有勇氣上前阻止....我唸琴日都係一樣, 都好多人目擊, 但能力範圍內, 能做到的只是報警....

因小失大之重創日

之前自己一直都唔like帶首飾, 就算身邊朋友話幾靚幾靚, 怕麻煩既我一直都係無動於'中'

不過...因為'黃太'要我帶戒指同埋手lin, 所以開始帶..亦開始鐘意左diamond

記得有個朋友同我講....當得到第一粒diamond之後, 就會愈黎愈鐘意原來真係

話說琴日行經一間地鋪, 岑生話有個心型diamond吊咀只係$512, 我仲話, 點會咁平a, 跟住佢話, 如果真係$512就買之類...咁咪行入去睇lor (事關要補送情人節gift, 點知之後變左情人節加生日禮物)

點知...因小失大既故事發生左喇我講緊係我隔離果個

原來果間野做緊promotion, 事關佢地下個月會擺珠寶展a (之前係雜誌都略有所知呢間鋪既存在) , 咁佢地而家全店50%, 有d仲80% off (咁當然, 我覺得佢地一定會mark up番個price跟住再懶係做半價咁啦)

其實開頭想買個吊咀, 同埋揀左條頸lin...跟住比錢之前, 我又手痕去睇耳環 (因為唸住遲d結婚影相都要帶)

跟住有對耳環差不多4千做半價, 咁我帶左, 又覺得ok, 咁而家唔駛2千蚊, 都ok丫, 跟住....

sales比左d做緊二折既野我地睇...睇手lin, 有一條有3.19ct, 佢話原價四萬幾到 (當然應該講多左$), 而家二折唔駛一萬...

魔鬼同天使出現了9千多一條3ct到既手lin其實真係叫做平 , 但係無啦啦駛咁多錢去買野又唔係幾值

但係又唸, 我買小個名牌袋都係到啦 (雖然呢排收哂手, 仲走去賣袋添)

加上岑生既從旁鼓勵結果...帶左佢地番屋企喇...

thx my dear

(P.S. 佢地果度有部機去chk粒鑽石係咪真, 當然只係一個簡單儀器, 同埋佢地會有一張self-declared既cert)

盈集坊平衫

因為我地會搵freelance影香港既婚紗相, 我會自己另外搵衫同埋化妝

初初我唸住搵freelance影相, total所有野加埋價錢都要under 萬一/二 (因為出去d大公司影都差不多呢個價), 因唔想花太多錢, 所以一早我已經唸住搵d平平地既婚紗同埋晚裝

有日睇'婚禮'見到盈集坊香港間鋪頭唔做喇, 因為會轉移去大陸, 咁佢地清倉, 所以我帶埋岑生上左去, 睇下有無平貨執

一上到去, sales同我講佢地d衫500至1500一件, haha又真係好抵wor  sales問我鐘意d咩款, 佢suggest 左件a line婚紗比我一睇, 都ok丫, 係無款gala, 不過好鬼新淨, 不過我就好擔心唔arm著, 事關唔比試, 又唔比換款...

跟住又再揀多一件紅色晚裝, again, 又係好驚唔arm著

跟住我同岑生又discuss左一陣, 遲終無得試, 雖則500蚊o者, 唔arm著咪o徙lor

不過sales 都幾professional, 講野都好有自信果隻, 佢話佢係好有信心我一定著得落我同sales講好擔心, 因為我shoulder橫, 手臂又粗, 不過sales唔認同, 佢話我屬於頭大身細果隻 (其實應該係話因為個頭太大, 所以個身相對地細), 佢話我shoulder唔橫, 佢話反而我更加要露哂, show哂成個shoulder出黎...可以轉移一下我大頭大面既視線wor

跟住個sales話, 如果我買左件婚紗, 另外一件就可以比我試, 咁又ok wor 跟住梗係即刻買

試果陣原來好鬼緊張, 因唔知自己著婚紗係咩樣 不過好在又真係arm著, 同埋著完個shoulder都唔算橫, 同埋個袖位又遮到d肥手臂 都叫幾滿意

(sales幫我度緊位, 我自己羅出外面鋪改)

跟住試埋另一件晚裝, 其實唔係太鐘意, 因為好現我個胃腩同肚腩不過唸起佢個price, 就覺得ok, 同埋會著girdle gama

哈, 好抵ar, 500蚊一件又新淨, 個款舊d土d都無乜所謂