眼花花, 好攰ar

聽日出發去韓國喇, 今日全日番係屋企, 繼續做資料搜集

新屋未煩完, 而家要搵租衫同埋化妝, 睇野睇到我眼花花ar 化妝有d姊妹又話好快比人book左, 所以又要搵定

租衫果度, 琴日陪個朋友去左新婚情報, d晚裝真係同其他人好唔同 (價錢都同其他人好唔同) 佢d款係勁多, 同埋係靚, 夠特別, grand, 不過嚴重outbudget 但係睇完呢間野既衫, 睇其他shop既一定唔會睇得上眼, 勸告大家有budget 限制既姊妹無為踏入呢間鋪

跟住去左俏佳人, 果度d婚紗真係幾靚, 但係晚裝又無乜款bor....我都知無得又靚又平又正架喇, 都要取捨, 同埋我都唔係幾知自己著咩好睇, 加上自己其實都係傾向於simple cutting既衫, 太多details我驚自己carry唔到, 所以都係果句, 搵番d平d既

暫時我既target就係法國婚紗, 應該6千蚊可以攪點...今次expo要去及及同講價

跟住睇左好多mua 既資料睇到我頭都暈 事關試妝費要500, 所以唔可以立亂搵...睇左好多相, 無乜吸引到我其實, 其實除左睇d 新娘之外, 我會睇埋mua本身個樣...事關if佢自己本身打扮化妝都leung既話, 我唸佢做既野出黎都會.......

暫時我睇中左一間 (http://www.sayso.hk/ )又係偏貴既, 要7千幾蚊 (其實我唔係特登搵貴野, 只係唔知點解咁o岩次次睇中既都係貴) . if 另外再幫媽咪同未來奶奶化, 每位加多五舊, 爆貴

esdlife 入面唔係太多呢個人既comment, 但係我睇完佢d作品, 都幾like, 同埋我至like人化妝夠清雖然當日可能應該要化濃妝, 但係我始終都係鐘意淡多d, 同埋呢間野set頭都幾靚...比其他shop貴多1-2k, 咁我覺得都ok~~

而家都仲有睇緊其他, 我自己就prefer, 搵間自己最有信心既, 好過貪平小小, 周圍試, 咁樣會仲o徙錢同埋時間