繼續痛...

昨晚兩點鐘醒左之後, 腦海裡不停浮現驗查時和打針的情景, 極之不好受, 哭了幾遍,  幾經辛苦, 我最後一次望鐘是5:30am , 之後就睡著了...但8點鐘已經醒了, 在床上再輾轉反側兩小時, 十時多,  我極不願意起床梳洗準備去做治療

兩腳還是痛, 申不直, 要彎著膝蓋靠大脾力行, 點解打完針, 都仲係咁痛既? 但我見膝蓋明顯是消腫了, 但打針的位置依然是隱隱作痛...

去到醫生果度, 所謂既物理治療比我想像中簡單和舒服得多, 原來只是訓在床上, 比一部叫microwave therapy既機, 每隻knee照20分鐘, 有消炎消腫功效, 但照一照, 就要280元很貴啊...心想, 這治療很像很求其啊...做專科醫生一定好好賺, 另一半一定唔駛做

之後我再問姑娘拆單claim insu d野, 佢話基本上無問題, 佢話完成左4次治療後一共可以將琴日既三千幾蚊'擹'分...monday 我要再叫agent問清楚有咩要再留意...唉, 希望claim得足啦

跟著我便去了太子mtr, sell左我個coach, 1500元, 貧窮的日子, 這1500元真是雪中送炭啊...之後就同朋友去了整頭髮

其實今天很想放飛機, 因我實在太太太累了, 做什麼也提不起勁, 很孤獨, 心情亦很低落, 但一直約了很久, 又心想, 整頭髮也是坐係到, 應該無野既, 所以我就繼續去左染髮同cut hair, 效果我都幾滿意 (其實係無乜野)

之後我地去左oyster c食dinner, 之後就搭車走了. 行去巴士站途中, 朋友想在ikea拿本magazine, 跟住陪佢去..點知去到第一層, sales話要落多層, 我開頭覺得無乜野,落多層ｏ者．．．頂，　點知原來真係奶野．　平日行ikea, 都覺得好好行, 但係腳痛既情況下, 只覺自己行極行唔完, 腳, 特別左腳愈來愈痛, 我愈行愈'蚊', 簡直想扯火我硬著頭皮, 終於落左一層, 仆街 , 又要再勁行一大個圈先至可以再出去

原來腳痛係真係唔可以行得太耐, 而家我行多十分鐘已經頂唔順...加上上落樓梯令我更加辛苦, 有樓梯我都要儘量避

我幾時先至可以好番? 又再一次唸起琴日打針的情況 以前睡覺, 被子蓋得不好, 可以用腳整好佢, 但現在, 我要起身用手去整以前可以'mou'低洗衫, 現在要坐在chair 仔上才能完成任務

呢d日子幾時過....

受不了的痛

今晚收到agent call , 佢話叫我試下聽日問下醫生有無得分單, 因一次3千幾蚊單入面, 有成2千蚊係打針, 未必claim得足...唉, 但我明明問過有無上限, 佢話無gama. 不過我都知, 從來都係比錢容易收錢難架啦, 反正明天也要去做治療, 即管問吧! 不過呢d大醫生, 都未必肯啦 不過算啦, 唯有下次睇醫生唸清楚先啦

 

明天要去做治療喇, 心情都繼續係驚同緊張lor....又驚痛lor..唉, 其實好想搵媽咪陪我一齊去...但一來唔想佢擔心, 二來我又驚比佢睇到我痛既樣, 三來佢一定唔like我搵私家醫生, 有得claim都係咁話...我唸治療都係同你拉下d根o者, 應該無打針咁痛華

但原來knee痛真係好困擾, 而家半夜三點幾我都仲未訓得好...內膝yuen yuen作痛...頭先在床上突然唸起打針期間, 好cool的醫生說 '其實已經幫你打左麻醉藥, 唔係仲痛'

哼, 你估我想痛既咩, 但d藥要打入骨, 唔痛至假啦, 下次不如你打暈左我先打針啦! 呢兩張相就係我左腳同右腳內膝打完針之後既樣喇, 而家好似變左粒墨咁既

 

 

而家knee痛, 不便情況如下:

1) knee 已可以曲到around 20-30度, '第'起腳有難度

2) 行路要就住就住, esp 上落樓梯

3) 訓覺真係訓唔到, 無論點訓, 傷口都係痛, 一轉身就痛..唉..又驚食安眠藥同我而家食緊既藥相沖...好無奈

4) 好驚出街比人撞, or行得慢兩步都比人小....

我幾時先可以好番ar? 但退化都係無得好..只能唔比佢惡化落去...唉不過好在tech d 同事, 無論新同舊都'好似'好關心我咁, 佢地既慰問令我係呢個down period覺得份外溫暖呢, 不過就係又怕老細唔like我要成日請假lor, 都無法啦, 健康緊要ma

難忘的一天

今日係岑生生日, 亦都係我非常難忘既一天

由於對腳痛到頂唔順, 今日問完agent後, 決定去cwb睇醫生先

一去到驗查, 醫生不停按我膝頭, 我已經好好痛...跟住去左照x光, 照x光的叔叔很好人, 他問我係咪上落樓梯痛ar? 另外因為我對腳要轉黎轉去照唔同angle, 佢又話, 如果我整到你隻腳痛,  你要出聲wor.....

跟住醫生睇完x光, 佢話我天生對腳有d 'mei', 所以平衡力唔好. 另外又話我雙膝已經開始退化喇, 同'引'帶傷左...要我打針...唉...其實我想問佢打針痛唔痛, 不過我都知係廢話, 所以無問. 我問左佢, 我only食藥得唔得ar, 佢話都無用ga wor

跟住佢又叫我之後仲要打針去醫退化問題....仲話而家唔醫, 你半年後都一定會黎搵番我....唉....我都知點. 另外我又得醫生有d cool,好似得佢講無我問咁

由於當時我獨自一人去睇醫生, agent又開緊會, 我唔好意思call佢手提, 我實在拿不到主意, 想了一會後, 就決定打針啦

唉...每個knee打兩枝, 打內膝果枝真係痛得要命, 我見住醫生插枝針入knee到, 跟住隻手chok黎chok去, chok d 藥入d骨度咁, 我兩隻手緊握床邊, 個頭愈申愈後, 因真係好痛, 佢一路打我一路喊

而家唸到果個情境都會喊

到找數時, 要成三千幾銀, 又唔簽得card, 我出糧戶口又無錢, 另一個saving account我又無帶紅簿仔出來, 果刻真係好down, 因為已經夠痛, 自己一個人去面對, 而家仲要唔夠錢找數, 好在我好友今天在港又得閒, 佢即刻落街過錢比我...真係好多謝佢ar

打完針完, 獨自番家, 雙腳好痺, 行得超愎, 我一路行一路喊...上到車都繼續喊...

我唸..我真係唔係一個堅強既人

 

好痛ar

近呢幾個星期膝頭哥d根好似成日抽住痛咁...其實我都無乜理佢, 以為自己腳攰. 到左琴日, 開始覺得更加痛左, 扯得仲勁, 到左今日...我直頭覺得自己對腳唔可以申直行到左今晚連mou低都mou唔到ａｒ

死啦．．．我好驚ar, 究竟係咩事AR我聽日要快ｄ問下保險agent去邊度chk而又claim得番哂所有錢

我仲好後生, 仲有好多路要走ar

係咪我上身重得制, 令對腳負擔大左呢? 如果係...我好樂意即刻去減左個肚腩

倒數十天

時間過得真係快, 轉眼間又差不多到8月尾, 即係又係岑生要飛去德國十天了

岑生今晚12:30機, 今日收工後去左hung hom kcr對面個商場食飯...我去左羅位先, 見到food court好多野食, 咁我就去左買thai food同埋一碟齋...岑生一來到有d奇怪, 佢問我做乜唔食好d  其實都無所謂啦, 最緊要d野食好食

我一見到岑生羅住個o急同埋電腦袋, 我好有滿足感, 因為兩樣野都係我為佢準備既個o急都係因為我見佢要飛德國先買, 因想佢用個好d 既o急...係咪配搭得好好呢

不過岑生話我呢張相影得麻麻地only, 我先唔會理佢

食完飯之後, 岑生就同我一齊坐車番home, 之後我送埋佢上車

一路順風, 平平安安la

屈到病

唔知點解, d 野成日都唔肯去handover 比人,我夾在中間, 實在唔知應該點知

加上幫得手既merchant 今早同我講, 話9月佢會請兩星期假去marry...第一下都聽到好surprise呢, 因為全公司都無人知, 全公司都係而家先知ar, 佢真係low profile得緊要.

登佢happy之餘亦登自己擔心, 因佢走果段時間, 阿姐又放假, 佢又放假, 有兩個超麻煩客果排好多貨走ar, 仲要大家都知道係獲貨, 到時得番我一個人去handle炸好無奈, 好無助ar

好想快d過左9月去ar

disneyland

雖然香港disneyland係好細, 但係我對呢個地方都幾有好感, 可能因為我好鐘意睇花車parade 同埋對上一次去disney , '好似'係07年年底...我同岑生揀左呢個weekend去disney

雖然我地十點正已經到樂園門口, 但已經見到勁長既人龍 , 車, 原來係等check bag 其實我覺得真係有d o徙氣...有心犯事既人, 會唔會咁易比你chk得到呢

一入去已經見到著住hawaii shirt既micky & minnie...我去disney, 通常都唔會搵佢地影相, 但今日見到佢地既造型好鬼死有夏天feel, 好鬼抵死, 我用左30分鐘係烈日當空既情況下去排隊, 無錯, 係30分鐘去同兩隻自己一路都唔鐘意既carton 影相

跟住我地去左玩winnie the pooh, 激氣a, 我同岑生玩左兩次, 都唔能夠成功地係入面望住鏡頭影下次再試過

 

跟住我地周圍行下, 食下野, 又去左玩小小世界, 可能期望太高啦, 我同岑生都覺得東京果個靚d...香港呢個小小世界d sound唔夠大聲, 同埋好似過於commercial, 唔夠童真...所以玩一次就夠

到左3點幾, 可能比太陽曬得多...我tired到7彩, 唸住走...但4點又有parade麻, 所以等到4點, 好在無走到炸, 呢個parade好鬼正, 周圍噴水, 我被噴到成身濕哂, 好鬼好玩ar我未試過玩d咁既野, 玩完成個人精神哂

跟住我地玩左一陣, 6點鐘到就閃了, 去了mk食sushi就番屋企

我地今日完全低估了大陽伯伯既威力, 唸住今日會落雨會陰天架麻..點知曬到嘔, 我仲要防曬功夫做得不足, 所以面, 特別係頸同埋手都紅哂, 即係黑哂ar 慘喇, 有排先白得番ar

係岑生臨飛之前既幾日, 我地渡過左一個好開心既weekend