岑生係openrice搵到呢間正野 oyster every fri & sat, 9:30pm後買一送一, 星期日至4就任何時間買一送一, 因為我等唔切, 所以今晚係無買一送一既情況下7點鐘去左食.
d蠔果然無令我失望, 肥美鮮甜
個rissotto (係咪咁寸法? forgot), 都唔錯, 至正就係呢個鴨肝天使面, d汁煮到勁好食
不過portion好細, 真係一人份量, 好在今日食左兩轉tea, 所以飽住個肚去食
不過個心太軟好差, 我同岑生都食到浸味, 岑生話似過期朱古力味
不過我會搵晚平晚去幫襯, osyter買一送一好抵ar, 做到6月尾, 如果有個食蠔既發燒友同我一齊食就好啦
是次消費: hk$ 520 (2 ppl)
service: 100分
p.s. 呢樹免收開瓶費, 正
唔知各位姊妹對自己婚禮有咩憧憬既呢? 有無d野係由細到大既夢想呢?
比如話, 嫁個白馬王子咁啦
其實一直以黎, 係教堂行禮係我既心願, 不過可惜, 我唔係教徙. 雖然我信主既存在, 但我而家都無刻意去番教會了.
伯大尼, 雖然我無去過呢個堂, 但係睇相已經超靚勁靚, 初初以為係要教徙先去得果樹行禮, 後來先知唔係, 係可以經演藝果邊book既.
不過伯大尼對於親朋戚友係一個好遠既地方, 當然, 一生人一次, if人地真係當你係fd既, 都唔會介意去咁遠, 不過咁遠又唔想麻煩人, 開頭唸住book呢度, 就要book架大車車人去, 當然最後無做到啦, 因為
近日度緊pre wedding既景點
除左confirm左大埔火車軌之外, 我想既地方就係教堂. 不過呢間伯大尼既收費不便宜, 4千幾蚊兩粒鐘
過幾日問下yama 入面係咪好多野影既先.
而另一pre wedding景點, 就係岑生求婚既地方cova今日問左佢地, 可以去影, 只要唔駛清場影相就ok
另外yama影油麻地果欄影到勁型
亦都係我地考慮之一
因為sonson, 我要去齊呢3個商場買野.
估唔到, 係呢d商場駛錢係咁難 上星期去左銅鑼灣地帶 , 其實只係要消費200蚊, 但我同岑生行左成粒鐘, 真係唸唔到買乜
最後迫岑生買左件恤衫, 先至勉強駛到200蚊
琴日要去新港中心, 頂丫, 之前明明話鼎泰豐都係參加商戶, 點知後來發現poster上刪走左呢間野, 好在琴日發現左, 唔係到換飛果日先知咪o徙哂d心血lo
跟住去左sasa, 買左呢個牌子...mask同埋防曨, 因為覺得sofina 隻uv 我用完成日起暗粒.
點知買完之後, 我再睇下d成份, 頂ar, uv隻野有mineral oil 既用埋d咁cheap既成份..
我已經決定星期六換完飛之後去換其他野/退錢.
岑生偷影左我苦惱既樣
希望換飛順順利利la 
之前已經幫襯過 鼎泰豐 數次, 但唔知點解, 最滿意今次
岑生一早就去羅位先, 估唔到lunch hour都咁多人
最欣賞就係佢個蟹粉小籠飽, 完完全全做到皮薄'ham"靚
同埋個炒四季豆都好好味....阿媽都大讚呢間野好食, 服務又好是次消費: hk$370 (total 3 ppl)service:100分
今日好準時7點已經番到屋企了
跟住睇左論盡一家人.
個故事主要係講一對男女就快marry, 女既原先開開心心, 一開始時唸住婚紗要upgrade呢件果件, 揀結婚相時又不停揀, 男既基於女朋友咁喜歡, 亦無阻止她
可惜之後男既比人抄左, 男既開頭唔想拖延婚禮, 所以決定做住司機先, 但係之後發覺真係頂唔順, 真係唔夠錢, suggest將婚禮拖延一年, 女既當然唔制啦,結果大家頂更上.... conflict亦愈來愈大.
由於男既要搏命搵錢, drive 的士都要drive兩更, 變左婚禮上既野好多都要女方去安排.但女方當然好唔開心, 因為無錢但又為左要保住佢鐘意既婚紗, 賣左自己最鐘意既手袋. 另外同酒樓/ 婚紗鋪傾數, 樣樣都係要自己做....所以佢地因此而嗌交, 女既提出分手
睇到呢一度, 果刻都覺得自己幾似果個女仔淨係睇到自己做左既野, 但忽略了另一半其實已經好努力,
故事結局, 當然係完滿啦 佢地攪左個好簡單既婚禮only
故事中女仔既mama同個女講, 結婚唔係一兩日既事, 而係下半世既幸福. 其實真係講得好o岩 (雖然呢樣野我唸好多姊妹都知
).
結婚當然係開心, 但都要量力而為. 唔可以下下羅'一生人一次'來做擋箭牌 (當然, if 另一半係好有錢既, 咁就當然無顧累啦)
現今的經濟環境下, 都係儲多d錢好d
能夠在我喜歡的地方擺酒, 其實我已經很滿足了. 其他的要求, 可以降低
