賤人

好耐都無鬧過人賤人但對住某d人, 唔會呢個terms都表達唔到

近日經濟差, 已經人心皇皇, 有人恐防你未知死, 趁勢踩多你兩腳, 表達一d未必係事實既野, 仲要扮fd 我真係唔知呢d人係咩居心

仲要阿B對眼好似盲左咁, 成日認叻但又成日講大話做錯野既阿s, 居然比b讚話佢跟左某人之後愈來愈醒, 當然, 大家知識第一個反應都係'唔係麻

but好在都有其他同事support,佢地d msn名真係好頂隱

'唔該d人唔好再散發消息令人不安'

'請檢討'

 

haha, 睇完之後唯有笑...

插花第二堂

琴晚係插花既第二堂, 上堂因無準備野, 無得practice, 今次準備好哂la, d 工具都係岑生幫我特登去花墟買的

今次一上堂, 老師都無乜點講野, 就叫我地插花lu, 我仲以為每堂講既野都唔同既添...可能佢要我地學好基本功先瓜

今堂係我勁鐘意既葉 ---- 好浪漫既楓葉呀, 同埋黃玫瑰

可能我無乜耐性既關係, 我好快就插完比miss過目了呢棵花前面坐係樹果個就係miss喇...

but 就算係miss自己插果棵, 我都覺得怪怪的呢棵係我插既..不過....我唸我都係鐘意西式插花多d ar , 我剛知道我有個朋友學緊花球添...梗係覺得人地學果d野靚d既

不過都無所謂, 我都係當學多樣野o者訓練下我d taste丫麻..同埋望住d花花草草, 個人都真係會開心d

好似今晚番到屋企, 見到d rose開得勁大朵, 係想'o華'一聲果隻, 心情勁興趣

 

hea 一 hea

幾日都無update過個blog, 因呢幾日攪fair, 雖然都係每日企半日, 但我已經好累了對腳勁累, 同埋腳板底都開始痛添...仲有執辦果時, 我一路坐係張矮sofa度一路執, 比同事笑我似坐係輪椅到無計啦, 咁真係好攰喇麻

今年fair比起上年起碼小左1/3人ar, 勁慘, 同埋同客傾計時, 好多都應該係無potential落單唉, 黎緊11月, 12月仲靜..自己真係一個月比一個月緊張ar, 緊張period高危應係一月, 因老細最興過年前抄人..不過..到時再算la...比人抄, 當放個長假, 去番個長trip lor

今年halloween, 我會在醫院渡過ar無得去玩, 孤伶伶la原先我唸住11月先去chk 架, 但我覺得自己已經拖左一段時間啦..咁無理由, 為左玩, 而唔早d去chk o者, 玩, 幾時都有得玩麻..所以我咪book左月尾去醫院做磁力共振同埋驗血or, 呢次都唔驚, 如果要抽積水, 就係勁驚, 超驚la..所以我一定會等阿媽番來先 有d靚湯水飲下

今日約左朋友n 去倍我買袋ar, 其實幾個月前已經睇中一款, 點知我唸左太耐, 攪到果隻color全線無哂, 又唔會再番貨, 咁今次, 睇中左, 我限自己一個月內要攪點佢其實都掙扎左好耐架, 因股票果樹損失慘重, 不過反正錢都蝕左番工又大壓力bor, ...總之有好多excuse下, 我決定買左佢獎勵自己不過好奇怪bor, 係miu miu度睇, 個袋係深啡色, 番左屋企, 變左深灰既..不過都ok ar

好野, 有新袋用, 真開心~~~

Happy Pre Halloween

哈, 琴晚終於去左海洋公園halloween la..係..係終於, 因為雖然岑生一早買左飛, 但我勁r底...好驚, 成日想縮沙, 又想唔去..但最終都係去左

 放左工立即去mk, 因為我要去mk覆疹, 跟住我唔去做物理治療, 去左食小肥羊下午茶, 都幾多野食架, 又好食wor o岩哂我呢d大食胃食人...食飽飽之後...好辛苦先去到海洋公園..因又轉車, 又行去呢度果度.....

好在岑生買左至尊飛因為真係爭好遠架...一個game, 起碼排半粒鐘, 有d仲大排蛇餅, 肯定要排一粒半鐘或以上, 我地就唔駛點排就可以去玩, yeah, 所以玩左好多個鬼屋

其實入第一個鬼屋果陣, 係勁驚架, 流哂手汗..但慢慢開始適應, 當然啦, 因為始終都有人倍麻, 點都好d既同埋每次放一炸人入去 , 基本上你都知道d鬼lay埋左係邊樹, 所以都唔係好驚

我對廣昌隆謀殺案勁失望ar, 好無聊, 之前d雜誌寫到勁勁勁驚..點知都無乜氣氛咁, 淨係識噴水, 如果排一陣隊, 都可以去玩, 但如果打哂蛇餅既話, 我勸大家無為o徙時間了...

厲鬼村又係, 姐夫個男仔朋友又話好驚, 其實都唔係好驚反而大豪客娛樂城我覺得都幾驚, d 假既手手腳腳都幾真架

成晚我都玩得好開心, 雖然開心過後對腳硬哂, 好痛, 但係我覺得係值得去既令我心思思想去埋disneyland

雙腳進度

今日又去歐醫生度覆疹ar, 我好坦白咁同醫生講, 覺得食藥同物理治療對我黎講無乜幫助咁, 咁醫生都同我discuss左好耐 (可能我係最後一個patient, 所以我同左佢傾大約25 mins)

我問佢, 其實我而家係行得多先痛o者, 又唔係太大影響, 唔理得唔得..(其實我都知醫生立場, 又點會話可以唔理丫...只係我想講出我想做既野o者), 佢話要搵出點解無啦啦對腳會有積水

咁佢建議我去驗血chk, 有無咩類風濕, 同埋去做磁力共振(費用係每隻, 係每隻腳4-5千元), 去睇下真係咩出左問題, 因其實照X光唔係太睇到d乜...

咁其實我覺得佢又算老實既, 因為chk以上既野, 我係入醫院claim住院, 佢無錢收入袋...咁佢話想話搵左個root cause先, 下一步就係做微創手術去抽積水呢個手術要做全身麻醉添而呢個手術, 我唸only operation fee都要2-3萬la

當然, 我會同保險佬詳談d錢係咪claim得足啦, claim唔足, 咁會點呢? 要un 咁多錢出來..唔係化

另一個hesitation就始終都係手術麻, 仲要全身麻醉添, 我都好r底

所以而家都係不知所措

第一次插花

上次去完東京之後, 勁欣賞日本人插花技術. 跟住番來見到hku space有日式插花班, 就去左報名, 今日終於上堂了

一去到, miss 同有幾個同學仔已經幫手分花, 我地每人分左d花同埋葉

跟住miss就講解'草月流'係日本插花既其中一個門派, 跟住簡單介紹左插花基本既野, 但好遺憾既係, 我無帶工具雖然比左750元物料費, 但係仲未包scissors, 山針(即係羅黎插花既盤仔), 雖然報名時我已經知, 但我心唸, 又唔知要買邊款, 唸住上第一堂睇下點先啦, 同埋第一堂, compulsory工具, 我唸住miss 會預備借比我地lor, 點知無lor....只可以睇住miss同其他同學仔插羅, 真是無隱

呢個就係miss既完成品la,因太多人爭住影, 我求其影左就算了, 我帶左d花花葉葉番屋企, 唔知有無機會practice下呢? 但係星期日又要番工去會場...唔知有無時間

番屋企之前, 係屋企附近見到勁細隻貓仔, 勁可愛, 但比報紙阿婆鬧爆我ar, 做乜wor, 影下相都唔得咩, 影隻貓之麻, 又唔係影你...咁大個人, 收下度火啦

gathering

好朋友, 不需要成日見, 有時好熟既朋友, 一年都係見一兩次但就會成日msn/sms 聯絡

琴日係celebrate好友2ling生日, 咁o岩lolo又話想一齊食飯, 同我share下跟廠既慘況, 我地琴晚就出左黎食飯..

我地叫左salad, rib , onion ring (都叫左自己唔好食咁多炸野, 仲叫), 帶子南瓜意大利飯, 心太軟, brownie, 全部都係好好食既野

我地傾左好耐工作話題, 講下大家既唔開心, 其實間間公司都有小人, 所以我自己都應該要睇開d

當然, 話題離不開愛情, 兩位好友都不約而同地話覺得拍拖而家好悶, 可能對耐左wor 咁都好似幾悲哀bor, 拍左幾年就悶, 不過我覺得, keep住去d唔同既地方, 應唔會咁快悶瓜

停不了的物理治療

最近, 我又停左針灸, 去番睇西醫了

其實我唔係唔信針灸, 只係我覺得, 對knees仲係發炎既, 就應該消左炎先, 上星期去了旺角睇另一個骨科, 醫生很細心, 也很攪笑, 他說我對腳有積水, 要食藥同埋做物理治療

我去了同事介紹的物理治療, 已做了三次, 醫生也是很好, 很細心, 提左我好多野, 包括: 唔好上落斜, 唔好行樓梯, 唔好做家務 (不嬲都唔做架啦), 唔好跪, 唔好mao低....不過兩個醫生都質疑點解我第一次見果個pk醫生要打針, 佢地都話唔知係咪類固醇添ar, 物理治療醫生仲話, 身體已經適應左咁強既藥都仲唔好, 對腳仲難醫ar...唉, 唔打都打左啦, 而家可以做d咩wo...

我係疹所入面偷拍左治療情況最終比姑娘發現左添

1) 唔知咩機照住我對腳

2) 照微波燈

 

3) 做超聲波 ( 因為姑娘幫我做, 所以無得偷影)

4) 呢部機係最舒服架, 因為醫生幫我對腳蓋左被, 我影唔到d頭...但係有幾個好似bom 廁所既頭bom我對knees, 係勁舒服

5) 敷熱氈同埋做超聲波, again, 有姑娘在場, 不能拍照

做物理治療期間係極需要耐性, 亦即係我無既野...因有時人多, 要等, .....呢張就係呆滯中既相

丫....希望對knees快d好番, 唔駛好似而家咁, 行耐左天痛, 行得多樓梯就成對腳'梗'哂....真係好唔方便........亦都花了我很多金錢同時間 (雖然金錢應可以claim番)...總之......無病無痛就最緊要la