健康日

因為感mo關係, 琴日十時多我便訓覺了

今早同樣早起, 天氣極好前一晚唸住去瑜景灣hea下, 但岑生之前都提議過去cycling, 歐醫生話我可以慢慢踩單車架, 咁我又見天氣咁好...所以我地最終決定入左長洲踏單車

我地係上環翠華食左野先, 食左我既至愛羅宋湯通粉同埋奶油豬, 跟住經過ifc, 去左leonidas買朱古力, 跟住就坐船入去了

一去到, 又係食食左個好好味既砵仔糕, 啡色有豆, 跟住就去踩單車

hahahhaha 真係魚皮, 其實我咁大個女, 都唔識踏單車, 今次我仲要踩4個look既成人單車真係魚皮, 不過無所謂啦 , 都無人識得我踩單車既感覺非常relax, 好開心

我地踩左一個鐘, 可能岑生見到我開始攰同驚我腳痛(其實可能知道我懶), 所以之後換左另一架'家庭'單車, 佢負責踩...當然, 我都有幫手啦

睇下我笑得幾得戚

再踩多左個鐘, 我地就食左小小野..食左魚旦粉...新鮮出爐蛋tart仔, 其實好想食一個potato chips但我覺得太熱氣, 咁喉嚨痛都係好番無耐, 所以我都係放棄左呢個念頭了....

咁樣就消磨左一日喇, 又充實, 又健康, 又開心