Mum Mum i love u

本來唸住琴晚希望可以訓好d, 點知家姐半夜三更嘈醒我, 3點幾左身, 成五點幾先至訓得番無辜既bf亦變左受害者之一

睡眠質素好差, 睇黎我都真係要調較下我既節奏, 琴日舊同事話覺得我成個人急左好多, 緊張左好多可能真係比呢份工影響左......唉...打工仔o者, 為乜, 又唔係逗十萬9千7一個月

但今日起床, 步出客廳, 見到一張溫馨字條, 見下圖

係我媽媽寫架, 為我準備既早餐和蘋果, 係咪好溫馨呢

mum mum, i love u

壯舉

這兩天心情不佳, 除了之前提過因工作而導致睡不好, 屙不到, 就是愛情的煩惱, 一向為食的我, 這兩天見到任何食物也提不起勁

昨天雖然要外出工作, 但仍然沒有食野就去工作, 其實是很肚餓, 但望見食物, 提不起勁, 不想放食物進口. 番到屋企, 媽咪已煮了我飯, 但飲了兩淡湯, 已飲不下....其實我知道自己係肚餓, 下午已經開始胃痛, 但我懶得理會, 總之不想吃, 就是不想吃, 終於在訓前, 希望自己好訓一點, 我食了兩塊白bread...結果, 琴日睡得都ok, 中途胃痛醒了兩次, 但提不起勁起身食野..幸好老天爺對我不薄, 使我能在餓中睡覺...我覺得一日食兩塊面飽, 已經算係我既壯舉

今早起床, 胃仍是痛, 整個人已無力和無心情食野, 但因要企fair, 唔想自己無力, 唔想無笑容對住客人,  覺得唔應該再咁樣對自己，迫自己買了一份三文治, 結果, 對住野食仍然吃不下, 只吃了兩啖就乾脆掉了

到了lunch, 唔係係同事迫下, 也不會吃了兩啖面+兩隻鍋貼...

但今天晚上已經好了好多謝好朋友既支持, 我吃了一整個米粉...還吃了三粒通做丸, 個多星期嚴重不通, 我希望明天可以暢暢快快地屙個痛快

以前每當唔開心既時候, 我都很喜歡聽avril lavigne既歌relax, 但唔知係咪整定, ipod又壞了, 電腦之前壞左, 無哂d歌, 想聽也沒法聽, 只有可以等朋友t再send過d歌比我...

唔知我呢兩日食咁小野, 有無瘦到呢夏天到, 都係時候要減磅了

win win, 安息吧

今晚f同事告訴我, 他養了十幾年的愛狗winwin死了...死前他們一家人影了一張全家幅, 然後帶牠到醫生果度, 打針離世....

我想, 在影果張相既時候, 心情一定好難受, 因為知道是最後一張照片, 慶幸f同事平昤也很喜愛拍照, 相信狗狗在生時亦拍了不小照顧

我係一個超級喜歡狗的人, 除了狗仔可愛之外, 狗亦是十分有人性的動物, 我覺得狗係永遠唔會背判人(當然, 可能有好小好小部份會無啦啦發癲), 狗可以時常在我身邊, 又唔怕佢將你的秘密告訴人知, 亦不怕牠會無啦啦走左去 (通常好多都係主人拋棄狗, 唔會狗拋棄主人), 亦很喜歡牠們期待主人番屋企的行為, 所以狗係一樣令人好有安全感的動物. 但矛盾地, 我亦非常怕養狗, 除了媽討厭狗之外, 就係狗的壽命只有十年多.......

害怕和牠建立了感情後, 只是對多十年到, 牠就要離去....呢種感覺一定一定好難受....

真係無一樣野係可以永遠擁有, 唯有就係要開開心心過每一日

放下一些, 得到一些

今日本應是極之高興的一天, 因為影相朋友幫我班了兩張拉闊vip位門劵, 他還慷慨地說雖然他也很欣賞eason, 但瘋癲程度遠不及我, 所以他就比了飛我

其實我一早已經預左無得睇, 因為不想幫襯皇牛黨, 但如今有飛, 卻不想看, 因不知和誰分享

連續攪兩個展覽會, 雖然我不用落手落腳執辦整野, 但係企fair+之後follow up既野, 係真係忙得很緊要, 加上老細和阿姐給予我既壓力, 已經整個星期無覺好訓+便秘(對啊, 我心情一緊張就會便秘), 也不明白為何要給壓力自己, 因公司又唔係重用自己...點解要咁...唔識答

加上愛情上的波折, 令我更覺困惑. 我覺得, 只要兩個人相愛, 大家也會主動改變去迎合大家既要求. 努力改變?大家都也有, 可能未達到大家既要求. 大家set比對方既標準, 是高或低, 我也不知. 好多時, 可能大家都係為啖氣, 但為啖氣, 大家不開心, 爭到啖氣又點.

不過, 我始終相信老天爺是有祂的安排, 每次感情遇到波折, 我總會得到一些

還記得知道exex真相時的晴天霹靂感覺, 終日以淚洗面, 更傷心是還有他的同事和朋友問我他在哪兒...要我幫佢還錢之類...大家可能也醒不起我也是受害者. 呢d經歷唔會忘記, 但係那段期間, 家姐阿哥和朋友給了我極大的支持, 時常開解我, 也因為如此, 才開始和家姐阿哥傾多左計. 發覺如果一早將問題告訴他們, 可能事情不用這樣糟糕. 現在想起, 也慶幸他的不顧而去, 唔係拖到我今時今日...變得進退兩難 (現在已不覺得這種經歷是慘)

至於上次同ex分手, 朋友也給予我極大鼓勵, 我覺得入到ato同smt係我既莫大既福氣, 因為我識到好好既朋友, 還記得朋友t 說了一句令我很感動的說話

'我也不想時常看見你不開心'

呢句說話, 就連ex也沒對我說過

我相信老天爺是有祂的安排, 這刻的傷悲, 可能換來未來既幸福, 是自我安慰也好, 怎麼也好, 也想日子好好地過

攰到癲

今日是fair的第二天, 已經攰到癲, 我想, 攰的原因之一是企, 第二就是個人比平時tense

同老細一齊企booth, 有客同無客都好煩, 因老細是一個把口唔可以停既人, 同埋雖然佢同緊人開會, 但同一時間, 佢果對眼會同時望下其他人做緊咩

所以, 無論你忙or唔忙, 都係under佢既監視中, 但昨天完左cocktail, 各同事已攰到傻左, 大家都好大膽咁坐, 阿姐仲帶頭食potato chips  咁我地都係人, 人係會攰, 我都係打工o者, 無為咁搏, 係咪先

今次fair, 老細好大陣仗, 但過後, 我地得到d乜野? 睇黎, 老細都唔可以浮誇得幾年, 因一家大細仲等住佢養

今早同一個朋友傾開, 其實究竟點樣去分'應該'同'好'? 其實好多野, 都係睇自己既要求同點睇, 但對方對你好, 唔係必然, 試問我同佢身邊都有好多朋友(男or女)都有不快的經歷, 所以, 好多野都唔必然. 當時, 要相處愉快需要大家既配合同改變, 改變亦不是立刻做到, 亦需要對方的間歇性提點(當然, 我明白做女仔唔想成日開口提, 但...面對現實啦)