攰到癲

今日是fair的第二天, 已經攰到癲, 我想, 攰的原因之一是企, 第二就是個人比平時tense

同老細一齊企booth, 有客同無客都好煩, 因老細是一個把口唔可以停既人, 同埋雖然佢同緊人開會, 但同一時間, 佢果對眼會同時望下其他人做緊咩

所以, 無論你忙or唔忙, 都係under佢既監視中, 但昨天完左cocktail, 各同事已攰到傻左, 大家都好大膽咁坐, 阿姐仲帶頭食potato chips  咁我地都係人, 人係會攰, 我都係打工o者, 無為咁搏, 係咪先

今次fair, 老細好大陣仗, 但過後, 我地得到d乜野? 睇黎, 老細都唔可以浮誇得幾年, 因一家大細仲等住佢養

今早同一個朋友傾開, 其實究竟點樣去分'應該'同'好'? 其實好多野, 都係睇自己既要求同點睇, 但對方對你好, 唔係必然, 試問我同佢身邊都有好多朋友(男or女)都有不快的經歷, 所以, 好多野都唔必然. 當時, 要相處愉快需要大家既配合同改變, 改變亦不是立刻做到, 亦需要對方的間歇性提點(當然, 我明白做女仔唔想成日開口提, 但...面對現實啦)