婚禮順利完成

我倆的婚禮終於完成了..

很開心..全日也很順利, 有一班幫得手的兄弟姊妹為我倆野點一切

很多謝PICASSO, 之前聽了很多不好的消息, 自己一直在擔心. 但PICASSO昨天的表現真是令我萬分滿意...可以帶動到氣氛同埋真係好有心好主動幫我地影相.

 

很多謝化妝C HELEN在病中亦幫我化妝, 要她病中也要為我化妝其實真的不好意思, 但自己真的花了時間去再試, 但最鐘意都係HELEN...希望好早日康復

很多謝半島酒店, 他們的安排實在太太太太細心啦...全程有貼心'伴娘'伴住我, CAPTAINS 也非常好..講野講得好仔細..時常提醒我註冊..進場..不要只望地下..HAHA佢地真係每個細節都會做到足..提到足...

真的很開心....一個很美好的回憶...

好多野想多謝.....

 

嫁前的一天

之前幾天...一想起要搬嫁妝, 就會落淚. 但今天卻沒有, 可能個o急太重了

順路放左好多冬天衫係o急內, 因為很快就要去honeymoon了

下午非常忙碌...幸好之前一天羅了部份的衫, 否則, 今天也不能去買花

這是給我自己的頭花..右上角是agnis b的, 不過感覺殘殘, no good. 自己去買了些鮮紅rose, 覺得著褂是應該要著鮮紅色的花  我還買了一些止小牡丹和襯花

這是買給姊妹的香檳色玫瑰, 可惡, 買回來一大紮, 有很多刺, 我中了招兩次...為免第二天姊妹又奶野, 結果我決定將佢地先cut左佢

這是什麼??? 就是agnis b的o禁花, 用濕紙巾保護著. 花球也很美麗

現在食飽飽..一會要用碌柚葉沖涼, 接著等上頭...

明天我要嫁給你了....

待嫁心情

愈迎大日子, 心情愈是複雜

經期還未來, 似來未來, 攪到個人攰極, 行落街食野都懶得提起勁.

最捨不得的, 還是媽媽.

雖然平時經常跟她頂咀, 罵她, 但畢竟, 心入面還是愛她的.

每當想起就黎要搬走, 就會落淚

沒有十分期待結婚的感覺, 可能已拖得太久, 加上近期被負面情緒充斥住, 又加上自己比自己壓力, 心情緊張...什麼正面野也看不到

MUA來不到

還有一個星期bday, mua因病來唔到....

一星期..一星期..

急急打去mona liza度問..果個之前幫我化得都ok..叫faye, 佢話要打去門市book, 因時間太趕 , 加上係星期六..佢真係幫唔到手請唔到假....


人算不如天算, 輪你幾早有planning, 最終也未必可以照plan去做...

希望book到阿faye啦

勁度不滿俏佳人

如果有朋友想租衫而又想考慮俏佳人的話..真係要唸唸 (雖然係長氣左, 不過未租既朋友, 真係要考慮下)

用了一萬元在那兒租衫, 想像不到換來的是要比在金都差的服務

1) 佢地係石門同tst都有分店, 問題係d 衫係分開地方擺..你想試哂所有衫, ok..唔該兩頭tun

2) 話說一月頭已經約了在tst 試衫, 事先book果陣已經講明要試婚妙A ,點知當日去到無安排到..在石門店
約了個幾月後, 即 琴日去試

3) 約了12點在tst, 差不多11:30收到tst電話, 說自己因前一天太忙, 無arrange到件衫過來, 件衫仲係石門..so, 琴日係試唔到..ok! good一聲吞左佢..改左今日自己land過去石門試.

4) 終於件衫到左. ok

5) 上次在石門想試男禮, 某位sales居然說無恤衫借比我地, 我地自己又無帶, 結果上次試唔到. 但點知, 今日去到石門, 見到佢地明明借恤衫比人試, 跟住我好那興, 點解上次唔借比我地....well, 反映左之後..都係話'會幫我地反映'

6) 3月21日我地要還衫, 但撞正佢地expo, 話公司唔開, 要我地22號先還.

我地話21號晚我地飛喇..唔得閒, sales多次要求叫我地兄弟姊妹幫手還, 或屋企家人
阿姐, 唔通要朋友幫你羅住幾件衫番工先, 之後幫你去還? 我亦寸番佢'佢地唔係馮止幫我地'

家下係你地公司自己唔開, 咪自己arrange lor. 我地叫佢搵人21號去半島收, 好近之麻, 佢地死都唔制, 仲叫我地搵酒店d人還比佢地, 岑生話, 要比錢酒店ga wor, 對方居然好意思話會, 咁岑生問係咪佢地比ar, 佢無出聲.

另一條粉腸叫我地21號親自去會展還比佢地..我心唸, 你訓醒未a, 真係唔知邊個係客.

你地自己唔開要我地左就右就...

我地死都唔制.

結果佢地搵個staff 21號11點番公司, 咁我地11點會去還衫, 算啦..早d去就早d去

真係勞氣............