Halloween Make Up

昨天join左janice lam makeup workshop到天水圍做義工

呢次活動主要係幫小朋友化halloween妝呀! 其實未必個個家庭都可以負擔得到小朋友去主題公園過halloween , 呢個嘉年華會其中一個目的就係希望呢班小朋友都可以感受一下halloween既氣氛 ^^


琴日真係忙到嘔ar! 連續化左3個幾鐘頭 , 又要彎身又要"mao"低就番小朋友既高度.
Organizer 見到我地4個女仔做得好辛苦, 好好人地幫我地stop左條龍先, 比我地休息15分鐘再來過 ^^ 我地4個都算係摩打手gala ^^ 每人起碼化左幾十個人
 

分享一下當天既snap shot

 睇下, 小朋友交足戲架!















 

 最後來張大合照.....收工!

王迪詩寸嘴講

剛過去的週末, 我又去聽寸嘴講喇

無錯, 雖然上年睇過, 但唸住今年會有d野唔同, 所以照去, 同同一個好友, 同一個老公 hehehe

其實內容呢 , 9成9都係同上年一樣, 真係有d失望呀, 有時仲忍唔住洽眼訓添

不過我又好enjoy q & a session, 可以聽多d daisy既唸法

daisy係工作上真係比到好多啟法我, 例如佢話挫折其實唔係咁大不了, yes! i agree

佢又話當初resign而全職去做作家, 都會比個限期自己, e.g. if一年內都唔點, 就要番番出黎搵工
咁應用係自己身上, 都一樣可以呀

話哂而家都做左好多年野, 唔做野一年唔會死, 同埋起碼都叫做曾經試過丫, 總之唔試就一定唔會甘心同埋會後悔

okay, 我要努力加油, 比心機學set頭.... 把握每個學習機會

王維基, 你好型呀

其實一直以來, 我對cy/現屆政府都仲抱有小小希望希望比時間佢地證明比香港人睇, 佢地有為香港做野.

一上任cy就截左雙非, 對於香港黎講係好大功勞

然而, 自始之後, 真係令人愈來愈失望. 自國教,人質事件, 我都試圖欺騙自己, 不要放太多情緒入去.

今次發牌的風波, 難道政府真的無考慮過香港人的感受和反應嗎? 就連基本的解釋也沒有, 是你沒有準備好, 還是覺得沒必要向我們交代? 私底下改變了遊戲rule, 這還是法治的社會嗎?

雖然警界線只看了一集, 當中也有一些情節不太make sense. 但係拍攝手法真的有別於無記既劇, 同埋以佢第一集既劇情, 我可以好肯定咁講, if 發生在無記身上, 可能已經分開起碼五集以上的劇情了.

我不能肯定hktv的劇集一定好看, 但起碼, 看到成個工作團體對工作的熱誠, 是令人非常敬佩. 如果積極進取是有錯的話, 那是否叫我們繼續坐坐坐, 回復務農的社會?

琴日王生開記招,遺憾地沒有看, 事後睇番報導, 王維基真係非常型! 好簡單, 佢既要求好簡單, 清晰, 好清楚自己不滿d咩同需要d咩, 直接了當, 唔答既野直接唔答, 唔會帶你遊幾十個花園

希望hktv 最終都會成功, 呢件事, 香港人一定要團結, 不能不了了之.

去暗粒面膜

暗粒是我一直以來的皮膚問題

幾年之前，用了好多唔同牌子, 貴既平既護膚品都唔好. 後來handybio打救了我

不過唔知係咪香港天氣愈來愈差 (定係我既skin愈來愈差?) 今年由冬天轉夏天我出了大量暗粒, 用了synergie既exfloliating serum, 聲稱去暗粒呀 , 黑頭好點, 不過對於我來講, 一d用都無
.
另一個原因令到我出暗粒我估應該係之前轉用左chantecaille 粉底, 雖然係貴粉底, 不過真係唔arm我, 可能佢係oil free, 唔arm我

跟住前排有d過期鮮奶, 我見唔好o徙, 咁arm 老公又食緊香蕉, 我就用左香蕉+奶full面..奇怪既事出現...我第二朝訓醒, 居然塊面平滑哂! 在下巴附近, 堆積了幾個月的暗粒居然平左! 攪笑

到左呢個月, 天氣又轉, 暗粒又再出來...繼續用synergie既vit b & exfloliating serum, 同樣無效. 跟住琴晚full左香蕉牛奶mask, e, 今早起身, 暗粒又小左! 

真係hao kai sin ar!!!!!

我以後都唔駛再買d幾十蚊一塊既mask喇..呢個天然mask真係超正ar

被偷走的那五年

一套非常感動的電影

老實說, 內容非常老套, 不過拍攝出來的效果很自然, 不沉悶, 不老套...有很多感動位

故事中的張孝全對太太那份不離不棄的愛, 實在令人太感動了


人愈大, 就愈覺得親人真的很重要, 而去更加珍惜一起相處的日子
人家對你好, 也不是必然的. 人與人的相處是一種緣份

我很慶幸我與家人的相處非常融洽, 我們四兄弟姊妹甚小或無嗌叫, 就算有..轉過頭就無事了

whatsapp也是一個很偉大的發明, 更加拉近我們的距離. 我們閒時就會談談小時候的趣事, 包括阿媽叫阿哥幫佢去買衛生巾啦, 哈哈 , 小時候阿哥家姐一齊出街又唔帶我去,佢地就會比一蚊我, 攝入家的鐵門閘內的一個小窿啦...中秋節時會在家門口煲蠟啦, 一起養貓啦, 講低能野, 單是想想已開心. 有兄弟姊妹多好!

而家只要大家一起放假, 就會儘量出來家庭樂. 三家姐呢幾年已經定居在上海做事, 所以我們更加珍惜一起在香港的日子.

近幾年開始每年也會一次帶老爸老媽去旅行...
媽媽的腳一天比一天退化, 我很希望有一天能帶她衝出亞洲, 不過她又很怕坐長途機..老爸又不想去遠的地方怕身體有事..那怎辦好呢..不過其實可能佢地又唔係真係咁想衝出亞洲, 可能係我個人慾望only. 不過事實係點, 好難求證.....

e...明明係想寫套關於電影既..點解我個話題扯開左咁遠

Origins CC Cream

聽說origins的 CC Cream特別之處, 在於 S.M.A.R.T. 技術（.代表 Self-Monitoring, Analysis and Reporting Technology）融入護膚配方，能夠將污染物的氧化原轉化成水份，抵抗有害物質同時，有效滋潤乾燥肌膚。 同一時間，系統亦會釋出綠茶及白茶中的強效抗氧化物，阻隔游離基的侵害，達至抗衰老功效。 

E, 咁神奇?

不過為免屋企堆積太多存貨, 我照樣先在yahoo買了sample來試, 試得好既先買大size來用.

質地好薄, 同埋個味真係超級清新.如果你有用開origins的產品, 就會知道我提及的是哪種香味啦!


不過由於薄既關係, 遮霞力相對地低, 不過都有調節膚色和遮毛孔的功效.

若然皮膚無乜特別問題又想有自然效果, 這個cc cream相對不錯.不過就不適合我了, 因為我要遮霞..hehehe

使用前


















使用後

回到最愛的一天

老實說, 穿越時空的戲, 恐怕已經拍到爛了

不過出乎意料之外地, 呢套戲一點爛, 一點悶場也沒有. 
 
故事講及男主角如果利用穿越時空的技能去追他的現任太太. 最感動我的, 就是男主角與爸爸的關係, 臨尾也看到眼濕濕. 詳細情節也不用在此多說.

看完這套戲, 的確有所領悟. 縱然你有任何技能, 也不能控制生老病死. 人..真的只能活一次, 雖然真係老套至極的說話, 不過人有時就係愈簡單愈老套既野先至愈唔明, 如果明的話, 我想人類貪婪的程度會遠比現在低, 生活指數會更快樂.

就是人只能活一次, 你爸, 你媽, 也不例外. 所以趁他們有生之年, 應該要好好對待他們, 不要為自己多想藉口, 無錢, 無時間...etc 而忽略了他們的感受

老人家雖然活了幾十年, 但不代表他們不怕孤獨. 在我們咁講求生活質素的同時, 同時也有否細想兩老所需? 可能只是簡單回家吃飯, 週末和他們飲早茶, 他們就已經滿足了.

別要愛得太遲

3CE Face Grow 珠光base

初初被3EC吸引到的, 就是指甲油

登登....

係咪好靚呢..heheh 佢好實色, 又易油, 又易乾, 又平! 咁多種原因之下, 唸唔到有咩理由唔買..
韓國人的妝很有光澤感, 珠光base功不可抹....因為訂指甲油的同時亦順便訂了一枝珠光base, 不過非常失望
 
o即出來是這樣子的, 望上去是珠光效果

可惜, 塗上面之後..你就會看到.....

是否無分別呢..對, 無錯, 我試過局部就咁上完濕粉之後擦上面, or 局部highlight, or 撈埋粉底液用..the result is also disappointing =.= 同埋if上完濕粉再做局部highlight, 會有'click'粉現狀,可能我的皮膚實在太乾了

我要繼續搜尋好用的珠光base啦

Banila co. Prime Primer Hydrating

我一直的護膚的概念就是"應用則用", 擦得多野係塊面度不等如皮膚能吸收, 反之太多的護膚品會塞住毛孔...o徙錢o徙時間! 

之前我一向都無用base的習慣, 因為我覺得其實都有擦cream, 已經有一層'隔離' . 咁so far過去, 皮膚都無差左, 即係證明唔用base都唔會傷皮膚'瓜' !

不過呢, 前排因為覺得banilla個豬油膏好好用, 所以托朋友買埋個base回來, 效果出乎意料之外的好用!

我係用呢一隻...

翻看Cosdna website, 成份如下, 原來還有少許物理防曬成份的. 
 http://www.cosdna.com/cht/cosmetic_e45a101587.html

這隻base不油不笠, 但若是非常乾的皮膚, 這隻base未必夠潤.

不過用左呢隻base之後, 我覺得個妝真係last得耐好多! 我由早上7點開始化妝, 到回家落妝起碼都夜晚7點幾.....係中午無補妝的情況下, 回到家我如常先用洗面奶抹面落妝. 發覺如果有用呢隻base當日,  落妝棉上的粉底係多好多! 即係好多粉底仲留左係塊面度.

相對地 , 如果無用這隻base, 落妝棉上的粉底是比較小.

所以我覺得原來擦base係有用架....無得偷懶.

搬家

hehehe 搬新家..我會搬在這兒

係...我好耐無寫blog啦..不過今日開始, 會開始寫番, 因為番工實在太多時間了..hehe

http://jessica-mychocolate.blogspot.hk/

薄熙來

對中國的政治一向都漠不關心, 但不知為何, 近日對薄熙來案件特別感到興趣

前天逛逛Page One 時, 買下了這本書, 想了解多些這個'猛人'

書內提及了很多薄熙來在獄中的生活, 甚至是中央高層的對話內容, 但我想想, 這些資料從何而來? 內客是真實的嗎? 可能因為資料太敏感, 作者也沒有透露資料的來源. 既然把書買了, 就相信他吧

書內亦提及了中央得到一份基密文件, 大致是薄如何密謀做反. 不過薄也提及這是王立軍偽造出來的文件, 不過無論是真也好假也好, 薄可能是鋒芒太露, 所以中央一定要打壓他吧

我還未把書讀完,不過無可否認, 我很同情他 (知知..其實他也是個心狠手辣的人), 不過他的確為大連和重慶貢獻了不小, 另外在庭上那份冷靜, 雄辯, 真的不得不佩服他. 不過無論他有多能幹,  多好口材和文筆, 最終也要與監獄共渡餘生

新blog, 新開始

大家好, 終於提起勁開一個新blog, 在這裡會為大家分享化妝扮靚, 吃喝玩樂的心得 ^^ 謝謝大家支持啊