岑生生日

因為岑生生日的正日將在berlin渡過, 當然我無能為力同佢當日慶祝, 於是我提早了琴晚同佢去食飯 (日子無咩特別 , 只係因為第二日係星期日, 唔駛番工, 可以玩耐d )

昨天一早又去左企booth 已經是連續企第三日了...加上, 究竟那些人是什麼構造! 算啦, 一提就興..我總相信上天係公平既, 終有一日惡行會被識穿, 我還是繼續安份守己吧..

企完booth, 我拖住疲乏的身軀同岑氐去睇Wall E, 之前高飛小姐又話好好睇, 但睇到我同岑生訓著咁制Wall E..........E fu........好悶啊...跟住睇完movie, 去starbucks坐左一陣就去食飯

今次去左舊美麗華樓下的aspasia, 之前同朋友& 岑生經過都想去試, 加上呢間餐廳都好似幾浪漫咁, 同埋我又想係tst食, 所以我就揀左呢樹la

好在都無令我失望, d野食都算唔錯, 不過太細碟啦, 好在我同岑生都唔係好肚餓, 都叫做食飽咁啦, 最欣賞都係佢地果個red prawn 意大利面...d汁定d面好有蝦味, 亦令我好鬼想去西貢食seafood

行左一陣我居然有小小肚餓真係大食...我地去左starbucks食green tea tofu cheesecake, 好好食架.之後我就送左我既b-day gift比岑生 禮物是秘密, 但很有紀念價值, 岑生話十年後都仲可以羅出黎睇

就咁樣...我同岑生就過左佢'25'歲既生日啦...雖然琴日我心情唔係幾開心..不過唔緊要啦..問題總會有解決的一天