感謝

琴日, 發生左一件超唔開心, 超hurt既事, 琴晚只睡了三小時

其實之前已經有心理準備, 但無唸過會係琴日...當然, 他們的做法我極之不認同, 簡直係恨之入骨但係...我暫時心情都仲ok...可能我仲未經歷無野做無收入果種徬徨同無奈...到時再算吧

雖然都係成日哭, 但我好感謝, 係真係好感謝身邊既人

感謝成日陪伴係我身邊既男友, 很難用文字去描述對佢既感謝

感謝家姐阿哥....今早收到阿哥電話, 我又忍唔住喊, 我唔係唔開心而喊, 而係感動而喊...只是簡單的慰問, 我已很滿足, 阿哥仲問我財政狀況我幾想問佢可唔可以延遲交稅ar...遲d問下佢先

感謝同事...琴晚上msn, 見到好多同事都online, 同到佢地msn d名, 都表達緊佢地既不快, 有d同事仲喊...好感謝身邊有呢d咁好既同事

感謝朋友, 感謝朋友既關心, 更說出就算無野做, 不用擔心金錢問題 , 感謝幫我去勞工署website搵資料

要感謝的實在太多....其實我已經好好彩, 發生呢d事, 有咁多人係自己身邊, 呢d唔係必然既野(說到這裡, 又哭了)

未來在公司的一個月, 的確會很難受...希望自己可以平靜渡過, 之後既日子 , 可能更加難行....不過好多野都係整定, 正所謂 '不要為明天憂慮, 因為明天自有明天的憂慮, 一天的難處一天當就夠了'

好希望有覺好訓, 訓得不好, 心情會更加差

而家計劃緊下個月去旅行, 其實過白色聖誕係我好多年既心願, 唔知就唔到時間, 不過就算就唔到時間, 可以去到旅行散心, 我都已經好開心滿足, 希望可以charge夠電...個人開心d