SZ之遊 (平價婚禮用品) -- 上

琴日 , 同岑生上左SZ, 第一站就係去左呢個文具批發城 (唔識打個名, 睇相), 係寶安北路, 我地係皇崗坐左大約20分鐘的士就到了 (呢個地方會近羅湖火車站多d)

今次之行好無聊, 其實我仲有成年先結婚, 不過見今次上黎食野, 就順便探路呢樹有咩好野買

入面有好多文具賣, 當然我唔係黎買呢d啦, 係睇有咩結婚用品買 (其實我唸金都d人都係係呢度入貨)

哈, 因為我都係忍唔住, 同埋反正利是封都唔係好重, 買左3類利是封, (今日番到香港即去金都格價結果發現我係上面買一蚊十個既利是封, 金都賣6蚊十個, 我買6蚊一tap果d, 金都賣10蚊)

入面仲有好多上頭用品 (一set上頭用既野, 跟住又有拖鞋ar, 毛巾ar之類) 同埋jump茶用品賣, 呢套jump茶用既野香港賣168, 我唔sure上面賣幾多錢, 不過我唸under 60蚊有交易...不過呢d留番結婚前幾個月先買

另外大大隻囍'字果d紅色紙 (唔知大家知唔知我講邊d), 要貼係門口ar, 屋入面ar果d, 今日係金都見要成20幾蚊一張但係上面幾蚊有張gala wor, 我問有一檔4蚊之麻, 又係下次要去買既野.

另外我都忍唔住手買左絲花同埋絲帶, 羅黎整簽名筆架成卷絲帶5蚊, 呢紮絲花20蚊, 我會cut開哂佢地羅黎整簽名筆 (d絲帶我應用唔哂, 有興趣既可以分一半出來唔好o徙野麻)

d野係咪好平呢?

可能你會覺得, 山長水遠去到呢度買, 呢d又唔係貴價野, 平黎都無用...

不過我就當係同另一半上去'旅行' (其實我係超憎大陸), 同埋買到平野好有滿足感. 最重要既係...

呢度慳幾百, 果度慳到幾千...夾夾埋埋可能慳到過萬銀...on the other hand, 呢度over budget幾百, 果度又over幾千, 咁加埋就會過萬...所以, 我會再上去一次掃貨