gel甲--好唔開心

之前一直都唸住影相之前做gel甲, 雖然影相都未必影到, 但係唸住整左會靚d既心態下, 我就去左整了

都無特別格過價, 求其去左利時門口第一間, 但係做完之後好唔開心

我原先係唸住做法式果隻, 佢叫我考慮另一隻叫cal gel , 佢話係無咁傷, 同埋o岩我呢d未必會keep住做既人, 試做價hk$398

http://www.hkheadline.com/beauty/beauty_content.asp?contid=47286&srctype=g

因為第一次做, 我都無乜意見, 由佢發揮, 但係咁就出左事,,,,原先398 呢個plan係acceptable, 但係佢幫我痴既石, 先至係戲玉...

每粒要5蚊一粒ar一隻痴左6粒, total 10隻手指即係60粒, 即係total 要加多300蚊

華, 點解我咁stupid架, 點解佢唔做完第一隻手指既時候我stop左佢? 果陣我唸, 又好似唔係幾好意思開口, 同埋又驚效果唔好..唉...我真係豬dull

埋單要成7舊水ar真係肉痛到阿媽都唔認得...

同埋我覺得間野好昆水, 每隻手指都幫我痴咁多石, 岑生都話, 佢痴石功夫好做ar, 又易賺到錢

我好耐好耐都無試過有呢種罪疚感...另一半平時就好慳, 而自己就好似個大花筒咁


....花700幾蚊做個facial, 買件衫, 買對鞋, 我頂多都係肉痛一陣好快無事.

但係今次, 真係超級極度唔抵, 我都唔打算post相上來了...因我知大家既反應都係一樣..."唔值"

今晚上網左搵右搵, 發覺呢間野gel甲勁靚lor, 睇佢d作品, 好明顯係好有心機架羅...唉...下次都係唔敢立亂試了

http://hk.myblog.yahoo.com/julialau101/index?l=f&id=2