最緊要是兩個人一條心

呢排唔知做乜鬼, 成日六點幾就醒左

莫非係邁向阿毛階段進級了????

講番前日上既第三節婚前輔導先, tutor比左兩個case study我地, 因為太長, 無可能係樹打出來, 不過佢想帶出既野, 有以下呢d points:

(p.s. 以下講既野, 雙方既屋企人簡稱為'局外人' )

1) 做任何decision都好, 最好都係 兩個人compromise, 儘量唔好involve到局外人, 因為多個party話事, 通常都會有更多意見同麻煩 (我同岑生做完小測驗, 我地做到呢點

)

2) 如果做decision 唔係雙方compromise, 另一半只係''被迫'接受, 咁樣久而久之, 另一半就會愈黎愈小表達, 因為表達出來都無用....咁樣既關係落去, 大家都知會係點啦

3) Tutor話結婚係一個好好既原因同屋企人講自己要獨立喇, 如果有d男人成日依靠父母的話, 應該就要同父母講番, 而家結婚, 係人生另一階段, 要學識獨立呢 (不過做開裙腳仔既, 呢點有d難度wor, 唔係話講就講)

4) if成日比局外人影響到自己make decision, 其實都係自己'授權'比佢地, 即係話, 自己都有責任lor

而我地亦都討論到, 第時屋企都唔好比阿媽經常來, 因為阿媽都十分愛錫自己但係又會成日睇唔過眼一d野, 我地女子組有討論點樣唔比key阿媽, 大家有無方法呢

不過點都好啦, 以上果幾點, 知易行難, 最重要既, 都係兩個人要好好溝通, 上完呢d堂, 我發覺真係有d人可能溝通不足, 男既以為已經好尊重女方意見, 但點知女既就以為自己無話事權, 唔出聲. 呢d就係溝通不足所致

所以記住ar, 大家同伴侶要好好溝通, 兩個人一條心, 祝大家都幸福快樂 (好老套呢

)