搬公司

琴晚終於搬完公司啦....

雖然琴日番左成日工, 仲要比我地知一早番去無野做, 睇人搬野only, 果陣都幾嬲但算啦, 果下發洩完左我就無野, 同埋而家總算攪得7788, 今日又唔駛番, 可以去拍下拖, 已經好滿足啦

其實炮台山的環境一點也不好, 除了我們的寫字樓係幾靚之外, 周遭都係同d工業村無咩分別,  唸唔明why老細要choose呢度, 點解唔揀kln bay 果d租金更平既商業大廈,不過唔緊要啦, 因為我都係打工, 又唔係自己比錢, 老細鐘意點咪點羅

不過新公司最唔好既就係................我既新位置ar.唉, 希望可以快d適應啦

琴日係公司7點多就走得, 同岑生係公司樓下既西餐廳食, 岑生話覺得我係到做野, 大把機會食呢間野就唔會再同佢食, 所以食左先wor其實都唔係丫, 只要岑生未試過而又想試既話, 我都會好樂意同佢試既

等我介紹下我地食左d咩啦 (是日胃口不佳...今日仲證實左係腸胃炎)

雜菜湯, 味道帶咸

鵝肝雞肉飯,個味道好好, 但太小~~~~~~~~~~~~~~~~~~~~鵝肝啦

明明係叫蟹肉香芒salad, 點解無芒果而又有我至憎既牛油果....

岑生發現我公司對面有得dup骨, 跟住我又發現公司後面條街有salon, 修甲同埋做body/facial, 遲d等我試下先, 因為可以趁lunch time做, or 放工係樓下做. 不過而家唸緊唔知join邊間gym好呀, 因為我跑完步個波羅蓋真係抽住, 今日幫我做按摩個師傅都話running好傷個knee, 同埋我既'關節'唔好之類唔o岩running, 咁我就頭痕啦....唔知join gym跳果d aerobis又o ng ok呢定係玩番yoga 呢?但果日call左sales,最平都要600幾蚊一個月...頭痕