Sex & the City

好野...終於等到3日假期喇...雖然今朝黑雨, 我又short week (蝕左半個星期六添), 但唸起唔駛做野三日就好happy

原先唸住黑雨就唔出去睇戲喇, 好在11點零掛番紅雨咋. 最終都可以去左睇sex & the city

好耐之前已經睇過vcd, 覺得很好睇, 好生活化. 今次都抱幾大期望入戲院架, 好在無令我失望而回o者

整套戲當然是圍繞著愛和性. 故事中某一主角, 因過份投入工作而忽略了老公, 令老公和別人攪出一夜情. 另一主角又經常鐘意看'真人show'. 另一主角和拍了十年拖的男友, 決定一齊生活和結婚. 

原先結婚係一樣好幸福既野, 但臨到結婚那日男方居然悔婚, 呢個唔知算唔算誇張. 但現實生活中, 我想一個離了婚兩次的男人/女人, 對婚姻也不會抱那麼大憧憬, 就算再婚, 也只是另一半想結婚而已...咁樣, 又好似失去了結婚的意義

呢套戲另一好寫實既地方就係, 在籌備婚禮當中, 女方是非常落力投入,很期望結婚的來臨. 但反之男方好像也沒怎樣付出過, 可能一方面怕麻煩, 另一方面就是因之前都結過兩次婚, 已經失去了那份雀躍

不過到最後, 都是大團員結果這套戲的確不錯, 大家都去看看吧