眼花花

呢兩日, 除左琴日落街食lunch之外, 都無出過街真係太凍喇, 加上岑生唔係香港, 呢個weekend睇黎我都係要安坐家中

呢兩日勁勁勁上網, 黎緊我知道我要成日上網, 我部電話又成日hang, 所以call左人上黎整, 用左380蚊總算暫時都唔駛驚部機成日reboot

呢兩日加加埋埋, 唔係講笑, 睇左過百個video, 睇到眼花花, 主要都係睇攝影師d作品, 有d係朋友介紹, 有d係人地blog度睇, 始終人人要求唔同, 人地覺得好既自己又未必覺得好, 所以都係盡量睇多d人地既作品, 睇下o岩唔o岩自己要求...so far...未有一個impress到我

因為都知道有超勁多野攪, 加上我地仲要攪新居, 忙上加忙, 所以我呢排都努力做緊check list, 起碼大概知道要做d咩, esdlife好好, 入面有好多tools, 開支果方面, 我都係係佢果樹download再自己加d減d...今日剛update完個cost 我都未入哂所有cost, 已經覺得有d驚人...令到我考慮是否還要在香港拍婚紗照 新居個cost list我仲未做

反而要做咩野果個list, 頂佢丫, 無得download做word/excel file 我屋企又無printer wor, 所以我決定跟自己需要將個list由頭打過,一路打, 已經知道 實在太多野要做~~~ my god 仲未做新居既check list....

呢幾日係到唸, 結婚咁多野攪, 唔怪得咁多人話攪攪下唔想攪啦 如果唔駛做野, 全心全意only攪結婚就輕鬆好多發下夢好喇~~~~~