擇日

之前有位朋友介紹, 去左廟街有個師傅擇日...

可能人夾人既關係, 我見到果個師傅既樣, 真係唔係幾合眼緣, 覺得佢似混吉多. 不過無計啦, 都去到lor, 又約左佢...跟住佢都係其實羅住本通勝幫我地擇, 期間我同岑生不停對望, 露出懷疑之神佢幫我地1-3月每月都擇左d紅日...承惠六舊水, 真係好肉痛

呢幾日酒席方面, 其實我都唔知自己係樹等咩今早心血來潮, 打去問半島, 3月6日果個期佢一早講已經book左, 而家多左3月13, 佢好似話係hold左, 未confirm, 我即時一額汗唔係講笑架...實在唔想花左咁多心機同時間, 上網狂睇留言, 又去做site visit, 點知最終book唔到, 一定會好down...跟住我約左sales下星期二去睇場, 順便叫佢幫我hold起另一個星期六

今日, 我去左黃太果度, 問下佢果個星期六o ng ok (因我想double confirm),

其實每次去到, 都預左等一粒鐘, 今次要等粒半鐘, 因為我對上有三位女人真係3個八婆一個墟, 係入面問左成粒鐘咁制, 攪到阿黃生要入去'趕'番佢地出黎...其實基本上, 黃生係唔會干預入面做緊既野, 可能佢都覺得果三個女人實在問得太耐(通常每個人頂多都係10分鐘)

期間發生一個笑料, 阿黃生問我,

'鄭小姐你今次黎做咩架'

我話'擇日ar'

佢話, 係咪結婚擇日ar

我話: 係ar

佢話: 新郎哥呢

我話: 佢今日黎唔到ar

佢話: 你話唔話到事架?

haha, 我聽完之後覺得勁好笑 '你話唔話到事架', 咁似要搵人投訴咁既

跟住入到去, 黃太話ok ar, 係好日, 佢仲幫我寫左出門, 入門時間, 同埋講左伴郎伴娘應該要屬d咩同埋要忌d咩...黃太比左兩個利是封, 入面有對付, 同埋係佢果樹買小小野, 自己再番去加d鹽同米再入落個利是封到, 結婚之前一個月袋住, 袋一年就ok

聽完黃太咁講, 個心安樂哂, 希望真係book到啦

黃生黃太真係好好人, 今次擇日, 佢淨係收我70幾蚊買野錢...跟住黃生話, 擇日果度, 你隨心封番封利是比黃太得架喇, 唔好係單數就ok

 

***********************************************************************

心情靚靚, 夜晚約左人去mk食飯, 之前shop左一陣, 我搵到我心見中想要既結婚戒子款ar  就住又唸起就黎同岑生去korea, 黎緊我地仲要去台灣, 仲有大把旅行去佢果個旅行用既大袋拉鍊爛左, 咁o岩又比我係muji見到一個袋, basic款, 無乜野啦...平時我都好小係muji買野, chocolate除外但要開始減肥關係, 都係無買