番教會+睇奧運

昨晚基於某些理由, 我12點上床, 但到3點半都仲未訓著....迫於無奈下, 只有食安眠藥進睡, 我都知道唔好成日食呢d藥, 但真係忍唔住...

我9時多便起身...之前應承左同事番教會, 其實真係好想放飛機, 因極度無精神, 但應承左人又唔想神早放飛機, 所以again, 我拖住疲乏既身後番教會.

岑生都有同我一齊去 (佢自己話去的, 不是我叫他), 但我地都覺得幾悶ar, 唱詩歌既時間太多啦, 唱成9個字, 但講導果part都幾好聽...至於我會唔會再番...hm.......有所保留

之後我去了阿哥屋企探米之連, 果然犀利ar!!!!!!!! 5個月大已經20磅...隻大脾仲肥過我手脾ar!!!!!!!!!!!!!希望佢大個快d瘦番啦. 我同mama仲帶左阿哥個大女去玩波波池, 原來細路真係好鐘意玩波波池原來可以同自己d仔女一齊去玩會仲溫馨呢

跟住夜晚係屋企睇奧運, 原來自己真係幾鐘意睇, 之前睇舉重已經覺得好有興趣...

記得舊年我同岑生講過下話都想去北京睇奧運, 同埋想睇下祖國發展成點, 點知岑生一句話'你會嫌果度又迫又多人' 令我打退堂鼓  不過其實就算有得去, 都未必買到飛睇啦, 買到都可能好貴啦...但只不過, 我覺得一生人, 希望有一次可以去睇奧運, 更加想親眼目睹國家奪金牌, 我可以在現場一起唱國歌, 唔知呢個願望有無機會難實現